ПРЫЙШЛІ СВЯТКІ, СПЯВАЙЦЕ КАЛЯДКІ!

У нашым дзіцячым садзе стала добрай традыцыяй пасля навагодніх святаў праводзіць Калядкі.

Святкі, або, як іх яшчэ называюць, святыя вечары — гэта зімовае народнае свята, якое пачынаецца на Каляды і доўжыцца цэлых два тыдні, да самага Хрышчэння.

У калядныя вечары ладзіліся святочныя гулянні: па дварах хадзілі калядоўшчыкі, спявалі песні, у якіх славілі гаспадароў, жадалі ім добрага здароўя, багатага ўраджаю. Усе з нецярпеннем чакалі прыходу калядоўшчыкаў з іх калядкамі. Людзі верылі, што да каго яны зойдуць, той двор у новым годзе будзе ўдачлівы з дастаткам і прыбыткам.

Вось і ў нашым дзіцячым садзе 14 студзеня прайшло свята. Пачас народнага свята, дзеці пазнаёміліся з традыцыямі Каляд на Беларусі. Дапамаглі дзецям зразумець сэнс калядных падзей калядоўшчыкі: Каза, Мядзведзь і Зорканоша, Механоша. Дзеці гулялі ў рухомыя гульні, вадзілі карагоды, спявалі песні і праслаўлялі каляднае свята з надзеяй  на радасны, цікавы, шчодры год.  Напрыканцы, усіх чакалі салодкія калядныя пачастункі.